BMW Z4 тарих қойнауына кетті

Мамырда Аустрияның Грац қаласындағы Magna Steyr зауытында BMW Z4 (G29 сериясы) кабриолетінің өндірісі ресми түрде тоқтады. Бренд 1980 жылдардың аяғында есіктері төмен қарай ашылатын ерекше BMW Z1-ден басталған екі орынды родстерлердің тарихына нүкте қойды.

1 / 5

• 
• 
• 
• 
• 

1 / 5

BMW Z4-тің бірінші буыны (E85/E86) 2003 жылы жарық көрген, 2009 жылы E89, 2018 жылы қазіргі G29 конвейерден түсті. Марка оны тек родстер емес, купе ретінде де ұсынған. Оның 343 ат күшіне ие M нұсқасы бар. Соңғы Z4 Toyota Supra-мен бір платформа мен қозғалтқышты бөлісті.

1 / 6

• 
• 
• 
• 
• 
• 

1 / 6

Қазір клиент тек дилерлерде қалған көлікті сатып ала алады, компания тапсырыс қабылдамайды. Модельдің ізбасары шықпайды. Еуропа автоөнеркәсібіндегі қиындықтарға байланысты Z топтамасының болашағы бұлыңғыр.

Kolesa.kz-те әртүрлі буындағы 11 BMW Z4 бар, 3–5 жыл бұрын жасалған машинаның бағасы 25 млн теңге шамасында.